92,3 miloi bidai, errokor historiko bat

Metro Bilbaok mugarri bat lortu du 92,3 milioi bidaia kopurua gainditu eta urteko errekor berria ezarrita. Hiriarteko trenak atzean utzi ditu pandemiak eragindako kalte handiak, eta aurreko gailur historikoa, 2019ko 91,5 milioiren bidaia-kopurua ia %1 hobetu du.

Metro Bilbao metropolia egituratzen duen ardatza eta Bizkaian gehien erabiltzen den garraiobide publikoa da. Bizkaian garraiobide publikoan ibiltzen diren bi pertsonatatik batek metroa erabiltzen du.

Era berean, azaroan eta abenduan historiako erregistrorik onenak lortu ziren.

Geltoki eta linearik erabilienak

Eskaria oro har hazi arren, 2023an ez zen aldaketa handirik izan geltokirik erabilienei dagokienez. Hartara, Zazpikaleak/Casco Viejo, Santimami/San Mames eta Abando geltokiek enborreko kopururik onenei eutsi zieten, eta itsasadarraren albo banatan Barakaldo eta Gurutzeta/Cruces, eta Areeta nagusitu ziren.

Joan-etorrien banaketa geografikoari adituz, 2 linea izan zen berriro erabiliena (%41), ondoren enborra (%33) eta 1 linea (%25).

4.881.455 kilometro eta 203.613 zirkulazio egin genituen, puntualtasunean %97,67 eta fidagarritasunean %99,57 lortuz.

Bezeroen iritzia

Amaiera modura, urtero bezala, Metro Bilbaoren zerbitzuari buruzko iritzia eskatu zaie bezeroei. Batez beste, oso ondotik gorako nota atera zen azterketan oraingoan ere. Erabiltzaileek, oro har, 10etik 8 puntu eman zizkioten hiriarteko trenari. Hona hemen ondoen iritzitako ezaugarriak:

Gainera, ehunekotan, galdetutako pertsonen %88k oso modu positiboan baloratu zuten zerbitzuaren azkartasuna eta %85ek puntualtasuna.

Txartelen erabilpena

Creditrans erabili zen gehien berriro ere, metroko bidaien erdia baino gehiago, zehazki %56,16, berarekin egin ohi baitira. Oso urrunera bada ere, erabilpenean bigarrena Gizatrans izan zen (%12).

Zerbitzu bereziak

Guztira, ehun bat zerbitzu berezi eman ziren hainbat ekitaldi estaltzeko: hiriarteko trenak zeharkatzen dituen herrietako jaiak, kirol-, kultura-, aisialdi-hitzorduak zein BECen egindako oposizio-azterketa jendetsuak.

Zerbitzu berezi ugari jarri ziren, tren gehiago sartuz zein amaiera-ordua luzatuz, eskaintza gizarte- eta kultura-jardueren gero eta eskari handiagora egokitzeko.

Aste Nagusiak, bederatzi eguneko zirkulazio etengabearekin, eta San Tomas egunak maiztasun-ahalegin garrantzitsua eskatu zuten, baita Frantziako Tourra Bilbotik abiatzeak ere, egun osoan hedapen berezia eragin zuelako.

Wifi gehiago

Zazpi wifi puntu gehitu ziren: Gobela, Neguri, Urduliz, Plentzia, Bagatza, Abatxolo eta Kabiezes

Egun 35 geltokik dute wifi konexioa, 15 minutuz doan nabigatzeko.

Hilean batez beste 40.000 konexio izan ziren.
Konexio gehien geltoki hauetan egin zen: Zazpikaleak/Casco Viejo, San Ignazio, Indautxu, Santimami/San Mamés, Areeta, Sestao eta Barakaldo.

Ibilgailuen mantentze-lanak ziurtatzea

Metro Bilbaok trenbide-ibilgailuen mantentze-lanen erakunde arduradun ziurtagiria lortu zuen. Interes orokorreko saretik doazen ibilgailuak mantentzen dituzten konpainientzat soilik nahitaezkoa den aitortza den arren, gure enpresak ateratzeko borondatea izan zuen, lanetan kalitate- eta segurtasun-baldintza horiek betetzen dituela ziurtatzeko.

Tren-atoi berria Sopela tailerrean

Atoi-ontzi elektrikoa erosi izanak Sopelako tailerraren eremuan trakzio-gaitasunik gabeko trenak mugitzea errazten du. Makineria berriari esker mantentze-lanak arindu dira eta urrats bat aurrera egin da jardueraren segurtasunean. Aldaketa horren ondorioz, trenak askoz ere zehaztasun handiagoz, ia-ia milimetrora, gelditzen dira.

Langileen auto elektrikoak kargatzeko puntuak

Enpresak bi masta gehitu ditu gero eta handiagoa den eta jada instalazio gehienetara heldu den hornidura-puntuen sarera: Ariz eta Sopela tailerrak, Bolueta, Urbinaga eta Nafarroa kaleko eraikina. Guztira 18 hartune 22 kWko potentziakoak, orain arte mantentze-lanetako furgoneta elektrikoak elikatzeko erabiltzen zirenak eta hemendik aurrera nahi duten langileek zein azpikontratatutako konpainietako langileek ere erabili ahal izango dituztenak.

Greziako trenbideen bisita

Gure Zuzendari tekniko Iñigo Ortuondok eta Goyo Sarasola Operazio-zuzendariak Greziako trenbideetatik etorri ziren lau ordezkariak hartu zituzten: bi trenbide-konpainia nazionalekoak eta beste biak metro-operatzailekoa eta Atenaseko tranbiakoa. Aginte Toki Nagusia ikusi eta gure jarduera xehe-xehe ezagutu ondoren, Abando eta Etxebarri geltokietara joan ziren; simuladorea erakutsi zieten.

Gogoeta ‘Rail Live’n, trenen etorkizunari buruz

Rail Live-en hizlari aritzeko gonbita jaso genuen; urteko egutegian dauden trenbide-ekitaldirik garrantzitsuenetako bat da. Zehazki, gure enpresak Madrilgo eta Bartzelonako metroen ordezkariekin parte hartu zuen azken berriei, ibilgailuen garapen eta funtzionaltasunei buruzko mahai-inguruan.

Mantentze-lan prediktiboa

Monitorizazio-sistemen beste adar nagusia Errodaduraren Kudeaketa Integrala osatzen duena da. Lau ekipok osatzen dute: bat tailer bakoitzeko gurpilak torneatzeko zuloan, gurpilen parametroen neurgailu espezifiko bat Arizko 10 bidean eta inpaktu bertikalen edo planoen detektagailu bat trazaduran bertan, Santimami/San Mamés eta Indautxuko geltokien artean, 2. bidetik. Horien bidez, gurpilen egoera eta errodadura-profila monitorizatzen dira, beharrezko prebentzio- eta zuzenketa-neurriak ezartzeko, zirkulazioaren segurtasuna bermatzeko eta bidaiarien erosotasuna errazteko xedez.