Monitorizazio-sistemen beste adar nagusia Errodaduraren Kudeaketa Integrala osatzen duena da. Lau ekipok osatzen dute: bat tailer bakoitzeko gurpilak torneatzeko zuloan, gurpilen parametroen neurgailu espezifiko bat Arizko 10 bidean eta inpaktu bertikalen edo planoen detektagailu bat trazaduran bertan, Santimami/San Mames eta Indautxuko geltokien artean, 2. bidetik. Horien bidez, gurpilen egoera eta errodadura-profila monitorizatzen dira, beharrezko prebentzio- eta zuzenketa-neurriak ezartzeko, zirkulazioaren segurtasuna bermatzeko eta bidaiarien erosotasuna errazteko xedez.
Azkenik, duela gutxi sentsoreak ere instalatu dira 602 unitatearen ardatz batzuetan, alderantzizko neurketa egiteko eta, trenetik bertatik, trenbidearen anomaliak antzemateko, normalean ontziratutako monitorizazio-sistema bezala ezagutzen dena. Esperientzia pilotu bat da, eta aukera emango du zehazteko ea bere maila igotzen edo jaisten den, ea badenak dauden edo, are gehiago, trenbidearen mantentze-lan jakin batzuk, hala nola bateoa, maiztasun handiagoz eta arin planifikatzeko.
