Metro Bilbaok egun bakarreko bidaia-errekorra lortu zuen hain berezi zaion azoka-jaian. 2023an 387.098 balioztatze zenbatu ziren. Eginkor parte hartu nahi izan genuen, baita euskal baserriekin dugun konpromisoa erakutsi ere. Lehen sektorea eta bere azokarik jendetsuena babesteko «Gure nekazariekin, mahaia prest» leloa erabili genuen kanpaina batean. Gabonetako tradiziozko mahai-zapiaren irudiarekin, mezua geltokietako pantaila digitaletan, publiztate-euskarrietan eta MEAT pantailetan proiektatu zen. Zazpikaleak/Casco Viejo geltokian, gainera, eserlekuak eta mezzaninak binilatu ziren; Abando, berriz, kaleko igogailuaren kupula estali zen.
BBK Fundazioarekin elkarlanean, 3.000 lepo polar banatu zitzaizkien bezeroei eta nekazari profesionalei, Areatzako etxoletan beren produkturik onenak saltzen ari zirela.
